2021/06/08

Maiatzeko irabazleak: Karmele eta Karmele!!!!

Maruriko Karmele Uribarri maiatzeko opari-kutxa baten irabazlea izan da, eta zer poza hartu duen gure Karmelek sariduna izan zela jakitean!!!

Izan ere, ez da erraza izaten, Praktikatu zerbitzuak Euskal Herriko Berbalagun/Mintzalagun partaide guztien artean egiten du zozketa eta bera izan da kutxa eder hori etxean jaso duen bat (Baina ez dira asko izan/izaten, ez pentsa).

 A ze mauka!! Zorionak eta gozatu!!!  Hurrengoa zu izan zaitezke!!!!

Portzierto, Maruriko Karmele ez da izan Uribe Butroeko Karmele bakarra irabazlea izan dena, izan ere, Bakioko Karmele Uriartek beste opari-kutxa bat irabazi du urteko asebetetze-inkesta egiteagatik eta haren testigantza partekatzeagatik. Zuri ere gure zorionik beroenak!!!!

Hurrengo urtean badakizue bete inkesta eta agian zu izango zara irabazlea!!!!!!

Bizi euskaraz!!!!  

Gozatu gurekin!!!

Euskaraz seguru!!!! 

Birusak ez gaitu mututuko!!!!

2021/06/02

Lehen sorospenak, Bakion!!!

Zein garrantzia daukaten lehen sorospenek!!! Egia esan, istripu edo ezbehar baten aurrean lehen laguntza funtzezkoa dela aldez aurretik bagenekien, baina, benetan, horrela ikusi eta ikasi genuen Bakioko Berbalagun taldeak antolatu zuen lehen sorospen tailerrean. Mungialdeko Gurutze Gorriari esker egin genuen ekintza osagarri hori, joan den maiatzaren 26an.  Orotara 17 lagun izan ginen Txakolingunean eta ateratzean seguruago sentitu genuen gure burua. Izan ere, ez dugu ezustekorik bizi nahi, hala ere, prest gaude laguntzeko eta gainera maisuki irakatsitakoak izan gara.

Tailerrak gaixoaren edo istripua izan duenaren mina edo ondoeza arintzeko  aholku baliagarriak erabiltzeko eskaintzea zuen helburu, hori bai, medikua  edo anbulantzia etorri baino lehen. Horiek horrela eta lana arintzeko tailerra hiru ataletan antolatu zuten Gurutze Gorriako boluntarioek.

Lehenengo atalean nola Garbitu, Desinfektatu eta Sendotu, GDS, zauriak ikasi genuen.  Gure egunerokoan zauriak, odoljarioak, kolpeak... ohikoak dira eta askotan ez dakigu arazo horiei nola aurre egin. Horrez gain, gure botika kutxak izan behar dituen produktuak zerrendatu genituen. Izan ere, mito batzuk bertan behera geratu ziren, behingoz, adibidez, alkoholik ez dugula erabili behar, besteak beste.

 

Bigarren atalean zer nolako zaintza edo lehen laguntza eman beharko diogu istripua izandako pertsona bati, konorte barik dagoenean edo itotzear dagoenean. Zein inportantea den ikasitakoa!!!!!

 

 

 

 

 

 

 

 

 

Eta hirugarren atalean ikasi genuen nola egin masaje kardiobaskularra eta nola erabili desfibriladorea, eskura izango bagenu, noski.

 

Errefortzu klaseak izan beharko ditugu eguneratua ahal izateko, hala ere, sekulako interesgarria izan zen egindako tailerra. Honekin batera, ikasturteko Bakioko programaren ekintza osagarriei agur esango diegu, alabaina, gogoratu Berbalagun ekimenak ez duela etenik eta udan ere martxan jarraituko duela.

           Bizi euskaraz!!! 

           Birusak ez gaitu mututuko!!!

           Euskaraz seguru!!!!   

2021/05/27

Euskal sua, Gatikan!!!

Sua euskal mitologiaren zati garrantzitsuenetariko bat da eta horrek lotura handia du udako solstizioarekin. Hori dela eta, joan den asteartean, maiatzak 25, Gatikako Berbalagun taldeak Euskal suari eta Udaburuari buruzko hitzaldia antolatu zuen, agian, hurrengo solstizioan, ekainekoan, egingo ditugun ohikuneak berpizteko eta berreskuratzeko.

Istorioak eta ohiturak entzuteko irrikitan geunden lehenengo mementutik. Hala da, luxuzko hizlaria geneukan, hau da, Aritza Bergara, euskal idazlea, musikaria eta ikertzailea, komunikatzaile trebea eta jakintsua. Hasi hasieratik haren berbekin harrapatu gintuen, eta horrela amaitu genuen, liluratuta.

 Euskal mitologian agertzen diren ia pertsonaia guztiak azaldu ziren han, Akerbeltz, Mari, sorginak, besteak beste eta hainbat erritoak paganoak, kristauak....


 Horrela pasatu genuen pare bat ordu, izan ere, aitortu behar dugu biziki ikasi genuela han bildu ginen guztiok, orotara 15 lagun. Hala, atsotitzak dioen bezala "Sasi guztien gainetik" benetan eta beti bezala plazer handia izan zen zuekin astearteko arratsaldea partekatzea.

            Bizi euskaraz!!! 

           Birusak ez gaitu mututuko!!!

           Euskaraz seguru!!!!   

2021/05/19

Lehen sorospen tailerra, Bakion!!

Inork ez du ezbaian jarriko lehen sorospenen garrantzia. Hala ere, badakigu nola eman laguntza goiztiarrena ezbehar baten biktimari? Ezetz uste baduzu, baina jakin nahian bazaude, GAUR ZORTZI Bakioko Berbalagun ekimenak aukera paregabea emango dizu hurrengo ekintza honetan. Hau da, Mungialdeko Gurutze Gorriak azalduko digu nola egin aurre larrialdi bati eta zer egin kasu bakoitzean.

NOIZ: Maiatzaren 26an

NON: Txakolingunean

ORDUA: 18:00 - 19:30

Izena aldez aurretik eman beharko da, hori dela eta, bidali whatsappeko mezua sakelako telefono honetara 688 87 54 81.

     Zatoz eta bizi euskaraz!!!
    Birusak ez gaitu mututuko!!!
    Euskaraz seguru!!!! 

2021/05/18

Solstizioari buruzko hitzaldia, Gatikan!!

Euskaldunak eta sua, sua eta euskaldunak?

 
Oso garai zaharretik euskaldunok sua gurtu dugu eta sua erabili izan dugu solstizio eta ekinozioen inguruko jai erritualetan.  
Hori dela eta,  ARITZA BERGARAK, euskal idazleak, udako solstizioari buruzko xehetasun guztiak emango dizkigu.

NOIZ: Maiatzaren 25ean

NOIZ: Gaztetxokoan

ORDUA: 18.00 - 19:30

Izena aldez aurretik eman beharko da, hori dela eta, bidali whatsappeko mezua sakelako telefono honetara 688 87 54 81.


       Gorde eguna eta ezagutu gure ohiturak!!
      Euskaraz  bizi!!!
      Birusak ez gaitu mututuko!!!
      Euskaraz seguru!!!!  

2021/05/11

Udan ere euskaraz Uribe Butroen!!!

Kaixo, Lagun!!!

Dagoeneko zabalik dago udako mintzataldeetan apuntatzeko epea.

Ikasturtea amaitzearekin batera, talde batzuk desagertu egiten dira; beste batzuk, aldiz, partaide berriak hartu eta birsortu egiten dira. Horietakoren batean parte hartu nahi baduzu, zure herriko euskaltegian izena eman edo bete fitxa hau.
...eta guztia DOHAINIK  

Izena emateko azken eguna: ekainak 11

OHARRA: Mintzapraktika taldeetan, eta antolatzen ditugun ekintza guztietan, segurtasun neurriak bermatuta daude, eta era berean COVID19rako protokoloa aplikatzen dugu. 

           Zatoz guregana!!!

           Bizi euskaraz!!! 

           Birusak ez gaitu mututuko!!!

           Euskaraz seguru!!!!   

2021/05/10

Asebetetze inkesta


Kaixo, lagun!

2020-2021eko ikasturtean izena eman duzu gure mintzapraktika programan. Orain zure iritzia ezagutu nahiko genuke, hartu 2 minutu inkesta laburra erantzuteko. Hurrengo esteka zabaldu eta erantzun lasai

BERBALAGUN inkesta

Erantzuten duzuenon artean 20 opari kutxa zozketatuko ditugu. 🎁🎁
 

Eskerrik asko. 😊

           Zatoz guregana!!!

           Bizi euskaraz!!! 

           Birusak ez gaitu mututuko!!!

           Euskaraz seguru!!!!    


 

2021/05/07

Maruri-Jatabeko ondareak

 

Arratsalde hozkirri batekin esan genion agur apirilari, hilak 30, baina guk inoiz ez diogu hotzari beldur izan/izaten/izango, beraz, euritsu arratsalde horretan, Berbalagunok Maruri-Jatabe herria ezagutzeko jokoa egin genuen.

MooveGo plataforma deskargatu eta gero ezagutu genuen Basajai eta hasi ginen jolasten.

 

Ez dizuegu pista askorik emango, SPOILERrik maite ez dugulako eta guk baino puntu gehiago irabaziko dituzuelako.

Baina jakin dezazuen, denetarik jakin beharko duzue guk irabazteko ;-), hau da, bertoko hizkuntza, bertoko ohiturak, bertoko etnografia, bertoko artelanak... horiek guztiak menperatuta izan beharko dituzue. Bien bitartean, esan behar dugu oso ondo pasatu genuela eta buelta ederra eman genuela herritik Basajairekin, gure txaparekin soinean.

Eta ez ahaztu maiatzean, beste ekintza osagarri bat izango dugula!!!

           Bizi euskaraz!!! 

           Birusak ez gaitu mututuko!!!

           Euskaraz seguru!!!!



Gazta gozo-gozoa, guk egindakoa, Bakion!!!

Apirila joan da eta berarekin batera hilabete horretan egin ditugun tailerrak eta ekintzak. Bakiori dagokio, apirilaren 28an, Gazta tailerra antolatu genuen, bertoko Amets Ladislaorekin.

Arratsalde ederra pasa genuen Txakolingunean, orotara 23 lagun bildu ginen eta benetan asko ikasi genuen, bai gazta egiteko prozesuari buruz bai kontsumoari buruz.

Biziki ondo ezagutzen ditu Ametsek lehen sektorea eta haren arazoak, izan ere, Bizkaigane elkarteko kidea da, baita enhe sindikatukoa ere. Hori dela eta, gazta egiteaz gain, sektorearen onurak zabaldu zituen eta benetan konbetzitu gintuen. Edo agian konbentzituta geunden, eta berak berpiztu zituen gure aukeratzeko ahalmenak.

Dena dela, asko ikasi genuen, izan ere,  hurrengo bideoan ikusiko duzue nola gatzatu genuen esnea.


Guztiok parte hartu genuen, eta zer nolako sentsazioak esnea gazta bihurtzen ari zela ikustean!!!
Ia ia eginda zegoen eta pinta ederra zuen!!!
Zozketa egin behar genuen, pote gutxi eraman genituelako, eta hurrengo azgazkian irabazle batzuk ikusgai izango duzue.

Eskerrik asko, Amets!!! Eskerrik asko etorri zineten guztioi!!! Beti bezala, plazer handia izan zen, zuekin arratsaldea partekatzea!!!

Eta ez ahaztu maiatzean, beste ekintza osagarri bat izango dugula!!!

           Bizi euskaraz!!! 

           Birusak ez gaitu mututuko!!!

           Euskaraz seguru!!!!


2021/04/29

Mendia bai, baina seguru!!!!

Mendia dugu gustuko eta maiz joan ohi gara asteburua pasatzera edo goizaz gozatzera, hala ere, inoiz ez da berandu arau batzuk ikasteko, gure irteera ondo atera dadila.

Helburu horrekin, joan den asteartean, apirilak 27, Kepa Lizarragak, Bizkaiko Mendizale Federazioko medikuak, Mendia eta Segurtasunari buruzko hitzaldia eman zuen Gatikan. Bertoko Berbalagun programak antolatuta eta konferentzia benetan interesgarria izan zen.

Han bertan ikasi edo berrikasi genuen nolako oinetakoak eraman behar ditugun irteeraren arabera, zer sartu behar dugun gure botikinean, nola antolatu gure ibilbidea....  eta beste hainbat gauza.

Guztira 12 lagun bildu ginen Gaztetxokoan, eta ez zen asko falta izan Kepak haren mendiarekiko maitasuna kutsatzea, han batu ginenok, mendizale amorratuak garelako, baina emandako datuekin, eta ikasitakoarekin, hemendik aurrera gure mendiko ibilbideak askoz seguruagoak izango direlakoan gaude.

Eskerrik asko, Kepa!!! Eskerrik asko etorri zineten guztioi!!! Beti bezala, plazer handia izan zen, zuekin arratsaldea partekatzea!!!

 

Eta ez ahaztu datorren hilabetean, hau da, maiatzean, beste ekintza osagarri bat izango dugula!!!

           Bizi euskaraz!!! 

           Birusak ez gaitu mututuko!!!

           Euskaraz seguru!!!!

2021/04/22

Maruri-Jatabe ezagutuz!!!!

Maruri-Jatabeko ondarea ezagutu nahi duzu?

Horrela bada, ez GALDU HURRENGO AUKERA.
Maruriko berbalagun taldeak  joko hau ezagutzeko ibilaldia antolatuko du, datorren APIRILAREN 30ean. Ondo pasatu nahi baduzu eta gure bazterrak/ohiturak ezagutu nahi badituzu, etorri guregana.

Non: Udaletxeko arkupean

Noiz: Apirilak 30

Ordua: 18:00 - 20:00

Interesatuta bazaude bidali whatsapp-a 688 87 54 81 telefonora eta EMAN IZENA.

           Gorde eguna eta zatoz!! 

           Bizi euskaraz!!! 

           Birusak ez gaitu mututuko!!!

           Euskaraz seguru!!!!

Gazta egiteko tailerra, Bakion

Gazta freskoa egiten jakin nahi duzu?

Horrela bada, Bakioko Berbalagun ekimenak aukera paregabea emango dizu hurrengo ekintza honetan.
Amets Ladislaok, Bizkaigane elkarteko kideak eta EHNE kideak, azalduko digu nola egin eta nola gozatu prozesuan. Horrez gain, gazta freskoa egiten dugun bitartean lehen sektoreari buruz hitz egingo dugu.

Non: Bakioko Txakolingunean

Noiz: Apirilak 28

Ordua: 18:00 - 19:30

Interesatuta bazaude bidali whatsapp-a 688 87 54 81 telefonora eta EMAN IZENA.

           Gorde eguna eta zatoz!! 

           Bizi euskaraz!!! 

           Birusak ez gaitu mututuko!!!

           Euskaraz seguru!!!!

Mendia eta segurtasuna, Gatikan

Mendia duzu gustuko? Hurrengo egunotan mendira joango zara? Inoiz pentsatu al duzu laguntza behar duzula zure motxila antolatzeko eta botikina behar bezala eramateko?

Horrela bada, Gatikako Berbalagun ekimenak aukera paregabea emango dizu hurrengo hitzaldi honetan.
Kepa Lizarragak, Bizkaiko Mendizale Federazioko medikuak, azalduko digu nola hurbildu mendietara, zer nolako arropa eraman, nola irakurri zerua eta hainbat eta hainbat gauza, gure irteera ondo atera dadila.  

Non: Gatikako Guretxokoan

Noiz: Apirilak 27

Ordua: 18:00 - 19:00

Interesatuta bazaude bidali whatsapp-a 688 87 54 81 telefonora eta EMAN IZENA.

           Gorde eguna eta zatoz!! 

           Bizi euskaraz!!! 

           Birusak ez gaitu mututuko!!!

           Euskaraz eta mendia seguru!!!!


2021/04/16

Zein ondo pasatu genuen, Maruri-Jataben!!!!

Bai, benetan. Zein ondo pasatu genuen taloa egiten eta jaten, Maruri-Jataben!!!!. Ezin zen bestela izan, konpania ederrean eta lekua ezin politago batean egin genuen azken talo tailerra.

 

 

Gure maistra nekaezina izan zen/da. Milaka azalpen eta mila bider esan  zigun nola egin, nola jo, nola biribildu... Berarekin batera erreza izan zen hurrengo argazkietan ikusiko dituzun taloak bikain atera izana.






 

 

 

BAT



 

 

BI

 

 

HIRU

 

 

 

Eta honako osagaiekin aise izan zen talo-chef-a lortu izana.

Txorizoa ez zen falta izan, hala ere, "desagertu" egin zen ti-ta batean.
 


                  

Hamalau lagun bildu ginen eta ez da azken eguna izango, lagun bilakatu garelako eta euskara, Berbalagunez gain, mundura zabalduko dugu.


           Bizi euskaraz!!!
 

           Birusak ez gaitu mututuko!!!

           Euskaraz seguru!!!!

2021/03/26

Zer jan hura izan, BAKION

Bakioko Berbalagun taldeari esker martxoaren 24an, hileko azken asteazkenarekin, gure elikadura nola hobetu ikasteko aukera izan genuen gure herrian. On Ekineko arduradunak, Andrea eta Nahia, bertako Txakolingunera hurbildu ziren, hitzaldi magistrala emateko. Izan ere, haien hitzetatik ondorio interesgarriak atera genituen, adibidez,  erosten ditugun elikagaien nutrizio-etiketak irakurtzen ikasi genuen, eta horiek horrela, gehien komeni zaiguna zein den jakin eta aukeratu ahal izateko.

 
Orotara 18 lagun bildu ginen Txakolingunean, gure erosketa-saskian sartzen dugun produktuen etiketetan agertzen diren zenbaki horiek  zer diren eta zer esan nahi duten argitzeko.

 

 

 
 
Jakina ikasi genuen!! Andreak eta Nahiak maisuki erakutsi ziguten zeintzuk diren produktorik  interesgarrienak, egokituenak eta osasungarrienak, eta hemendik aurrera eta erotu gabe, ziur gaude ohiturak aldatuko ditugula gure elikadura hobetzeko.


 
 
Benetan, aukera paregabea izan zen bertoko Berbalagun taldeak herriari eman zuena, eta, ez ahaztu, beti bezala, datorren hileko azken asteazkenean errepikatuko dugula, beste hitzaldi edo jarduera interesgarri batekin.

            Gorde eguna eta zatoz!! 

           Bizi euskaraz!!! 

           Birusak ez gaitu mututuko!!!

           Euskaraz seguru!!!!

 

2021/03/19

Talo tailerra, MARURI-JATABEN

 

Gaur zortzi, ederto batean egongo gara Maruri-Jataben, izan ere, joan den urtarrilean atzeratu genuen Talo tailerra egingo dugu, arratsaldeko 18:00etan, Kulturetxean.

Maruriko berbalagun taldeak antolatuko du, eta badakizue pandemia dela eta, aldez aurretik izena eman behar da, plaza-kopurua mugatua izango baita, beraz, IZENA BIDALI WHATSAPP-ez 688 87 54 81 sakelekora.

Ez galdu aukera inoiz galdetu badiozu zure buruari nola egiten diren euskal taloak. Horrela bada, etorri guregana, konpania ederrean ikasiko duzuelakoan gaude.

Horrenbestez, ondo pasatu nahi baduzu eta gure ohiturak ezagutu nahi badituzu, etorri guregana.
           

 

 

              Zatoz eta bizi euskaraz!!!

            Birusak ez gaitu mututuko!!

            Euskaraz seguru!!!!

2021/03/18

Gora KORRIKA!!!!!!

Gaur hasi beharko zen 22. Korrika. Dakizuenez, bi urterik behin Euskal Herri osoa zeharkatzen duen ekimen erraldoia euskararen aldeko ekitaldi jendetsuena eta garrantzitsuenetakoa da. 

Hala ere, izurritea dela eta, ezin izan dugu lekukoa kalera atera.  Izan ere, penaz hartu genuen erabakia, baina horrela egin behar genuen. Baina, bagaude Korrika barru-barruan sentitzen dugunok, hori dela eta, Maruri-Jatabeko berbalagun taldeak korrikaren mezua, sentimendua eta oroimena zabaldu nahi izan ditu.

Joan den topaketa aprobetxatu zuten gordeta dituzten petoak soinean jartzeko eta argazki polit hau ateratzeko.

Eskerrik asko, benetan, mundialak zarete gero!!!!

Horrez gain, gogoratu nahi dizuegu, datorren martxoaren 28an AEKn, Bultza euskaltegiak! Bultza euskara! izeneko dinamika jarriko dugu abian, aurten ere euskalduntze-mugimenduaren garrantzia plazaratzeko.  

            Gorde eguna eta zatoz!! 

           Bizi euskaraz!!! 

           Birusak ez gaitu mututuko!!!

           Euskaraz seguru!!!!

 


Etiketa nutrizionalaren tailerra, BAKION

Badakizue zenbat azukre daraman lata bat tomatek? Eta zergatik?

Horrela bada, ez galdu hurrengo aukera, hau da, Bakioko Berbalagun taldeak Etiketa Nutrizionalaren tailerra antolatuko du, datorren MARTXOAREN 24an, Txakolingunean. ON EKINeko adituek azalduko digute nola irakurri etiketak eta non jarri arreta.

Plazak mugatuak izango dira, beraz, IZENA aldez aurretik  EMAN behar duzu  BIDALI WHATSAPP-a 688 87 54 81 telefonora.


           Zatoz eta bizi euskaraz!!!
           Birusak ez gaitu mututuko!!!
           Euskaraz seguru!!!!

2021/03/03

Ibilbide ederra eta konpania ezin hobea!!!!!

                         
Aurrera doa urtea, baita Bakioko Berbalagunen ekimenak ere. Egia da, izurritea dela eta, erritmoa pixka bat moteldu egin dela, hala ere, Berbalagun kideak dena emateko prest daude. Izan ere, aurtengo inauteriak erdipurdikoak izan ziren, alabaina, haiekin lotuta eta badira urteak, Berbalagun programak Bakioko Basatoste Martxa antolatu zuen, aurten Sasiarte Elkarte barik, baina bai BakioMugi proiektuarekin bat eginez.

Horiek horrela, joan den igandean, otsailak 28, ibilbide ederra egin genuen, benetan ederra, gure bertoko bazterrak ezagutzeko eta zer esan konpaniari buruz!!! Hori ere ezin hobea!!!!

 

 

 

Eguraldiak asko lagundu zigun. Egiatan, igande ezin politagoak esnatu gintuen eta 25 lagun ausarta eta trebe martxari "sua" emateko prest bildu ginen.

Hurbildu ginenok helburu batzuk bageneuzkan, hurrengo hauek: ondo pasatzea, hobeto elkar ezagutzea eta euskaraz aritzea, batez ere. Segurtasun neurri guztiekin, noski!!! 

 

 


Eta badakizue; gustoko aldaparik nekerik ez!!! Beraz, pixkana-pixkana eta urratsez-urrats helmugara heldu ginen.

 

 

 

 

 

 

 

 

 

Hurregoan familia argazkia izango duzue. Talde ederra osatzen duzue!!!

 
Horrelakoetan parte hartu nahi baduzu etorri guregana!!!
 Izan zaitez BerbaLAGUN!!!

Zatoz eta bizi euskaraz!!!!

Birusak ez gaitu mututuko!!!!

Euskaraz seguru!!! 

2021/02/09

Basatoste martxa!!!!

Birusak ez gaitu mututuko eta gauden egoerak herria ezagutzeko aukera ere emango digu, Basatoste Martxa ekimenean. Aurtengoa Berbalagun taldeak eta Bakio Mugik antolatuko dute, eta dagoeneko badugu data, datorren otsailaren 28an izango da.

Mintzapraktika taldeetan, eta antolatzen ditugun ekintza guztietan, segurtasun neurriak bermatuta daude, eta era berean COVID19rako protokoloa aplikatzen dugu.

Hori dela eta, aldez aurretik izena eman beharko da, beraz, bidali whatsapp-a 688 87 54 81 telefonora eta eman izena.


Zatoz eta bizi euskaraz!!!!

Birusak ez gaitu mututuko!!!!

Euskaraz seguru!!!

2021/01/26

Bertan behera ez, atzeratuta!!!

Izurritea dela eta, aste honetan geneuzkan bi ekimen, hau da, Etiketa nutrizionalaren tailerra, Bakion, eta Talo tailerra, Maruri-Jataben, atzeratzea erabaki dugu. 

Ez da "agur" bat izango, baina, mementuz "gero arte" esango diegu bi ekimen horiei.

Animo eta eutsi goiari lagunok!!!!

Euskaraz seguru!!! Birusak ez gaitu mututuko!!!!!