2020/01/31

Xaboi tailerra, Gatikan

 
Joan den asteartean, urtarrilak 28, izugarri gozatu genuen Olatzek emandako Xaboi tailerrean, non eta Gatikan!!!. Herriko Berbalagun taldean xaboi naturalak eta etxean egindakoak modan daudela jakin bagenekien, baina ez genuen espero tailerrak izan zuen arrakasta. Izan ere, zerrenda itxi behar izan genuen, eta "numerus clausus" jarri behar izan genuen, Urondo txokoan kabitu ezinik egongo ginela pentsatuz.
Dena delakoan, han bildu ginen 18 lagun ikasteko prest.
.
Lehenengo  errezeta ondo irakurri genuen, baita konprenitu ere. Zorrotzak izan ginen segurtasunarekin, dena kontrolpean izan nahi genuelako. Sosa kontu handiz ibili beharreko produktua baita.
Prozesu osoa azaldu zen, eta nola egin ikusi bitartean, apunteak hartzeko aukera ere izan genuen.





Gure "maistrak" guztia zeukan apainduta, eta araoa balitz bezala, prestaketa hasi zen. Jira eta bira, horrela genbiltzan, osagaiak ongi nahas zitezen.







Kanpoan eta barruan, zer gerta ere.
Horiek horrela, batzuek aktiboki parte hartu zuten, beste batzuek adi-adi entzun zuten, baina guztiok gozatu genuen azalpenekin, biziki ikasi ere.
Akabuan guztiok  gure xaboia izan genuen, beno egia esan oraindik gogortu behar dira. Egundoko esperientzia izan zen, era horretan, han bildu ginen guztiok beste topaketa bat egin beharko genuela adostu genuen.
Eskerrik asko Olatz, egindako ahaleginagatik. Eskerrik asko guztioi etortzearren.

Segurtasuna interneten, Bakion

Bakioko Berbalagun taldeak Segurtasunari buruzko hitzaldia bertoko biztanleriari eskaini zion, urtarrilaren azken asteazkenean. Ez genuen Kultur etxeko bideo gela bete, baina han hamasei lagun bildu ginen ikasteko gogoarekin.

Proposamena interesgarria baino interesgarriagoa izan zen, eta KZguneko arduradunak emandako azalpenek zur eta lur utzi gintuzten batzuetan. Izan ere, oraindik internet- analfabetoak garela konturatu ginen, eta argi geratu zen, Internetarekin elkarrekin bizi behar dugula, baita ze gutxi dakigun horri buruz ere. Han  terminologia berria entzun genuen: grooming, phishing, cookies, eta beste hainbat...

Solasaldi informalaren bitartez, inoiz ez garela adituak izango konturatu ginen, aldi berean ikasi genuen Internet menperatu beharko dugula, berak gu ez kontrolatzeko.

Hori dela eta, agian honi buruzko hitzaldi gehiago antolatuko ditugu etorkizunean.

2020/01/21

Segurtasuna interneten, Bakion

Kaixo, lagunok!!!
Bakioko Berbalagunek "Segurtasunari buruzko hitzaldia" antolatuko du, datorren urtarrilaren 29an, kultur etxeko bideogelan.
Interneten zabiltzan bitartean seguru sentitzen zara? Ba al dakizu nola sortu pasahitza hutsezinak? Nola kudeatzen dituzu hainbat eta hainbat tramite interneten bidez? Inoiz horrelako galderak  zure buruari egin badizkiozu, Berbalagunek proposatutako hitzaldiak zalantza guztiak argituko dizkizu.
Etorri eta ikasi gurekin, euskaraz eta doan.
Gozatu gurekin.

Talo tailerra, Meñakan


Kaixo, lagunok!!
Laster  garizuma hasiko da, berrogei egun horietan ezin izango dugu okela jan, beraz, orain dugu aukera haragi-uzte hori konpentsatzeko. Horretarako, Meñakako Berbalagun taldeek talo tailerra antolatuko dute, izan ere, ez dago modurik onena euskara eta gose amorratu hori betetzeko.
Etorri eta gozatu gurekin, ez zara damutuko, lagunak aurkituko duzu, eta tripa zorriak kenduko dituzu.
Eman izena, udaletxean edo 688 875 481 telefonoan.

Xaboi tailerra, Gatikan

 
Kaixo, lagunok!!
Gatikako Berbalagunek xaboi tailerra eskaintzen dizue. Datorren urtarrilaren 28an egingo dugu, Urondo txokoan. Kontuz plazak mugatuak baitira.
Zatoz gurekin euskaraz gozatzera eta xaboiak egiten jakitera.